İçməli su sistemləri yenidən qurulur - VİDEO

İçməli su sistemləri yenidən qurulur - VİDEO
139 km-lik içməli su şəbəkəsinin inşası bu il tam yekunlaşacaq

İndiyə qədər Salyan şəhərində inşası nəzərdə tutulan 139 km içməli su şəbəkəsinin 125 kilometrlik hissəsi tikilib. Şəbəkənin qalan hissəsinin tikintisi isə ilin sonunadək tam başa çatdırılacaq. Qeyd edək ki, Salyan sakinləri 2016-ci ilə qədər Kür çayının qismən təmizlənmiş suyundan istifadə edirdi. 6 il əvvəl Şirvan-Muğan qrup su kəmərindən Salyan şəhərinə 9 km uzunluğunda yeni xətt çəkilərək şəhər şəbəkəsinə birləşmə verilib. Bundan sonra mərhələlərlə şəhərin içməli su şəbəkəsinin yenidən qurulmasına başlanılıb. Yeni layihənin icrasına qədər Salyan şəhərində 1950-70-ci illərdə yaradılmış içməli su təchizatı sistemləri istismarda olub. 2016-cı ilədək mövcud olmuş 70 km içməli su şəbəkəsi şəhəri tam əhatə etmirdi və istismara yararsız vəziyyətə düşmüşdü. Mərkəzləşdirilmiş içməli su şəbəkəsi olmayan ərzilərdə sakinlər suyu əsasən daşıma yolu ilə əldə edir və ya suvarma kanallarının suyundan istifadə edir.

Ötən müddətdə Salyan şəhərinin və şəhər mərkəzinə yaxın Babazanlı və Gilan yaşayış massivlərində içməli su şəbəkəsi yaradılıb. Hazırda şəhərin digər ərazilərində içməli su şəbəkəsinin tikintisi davam etdirilir.

İçməli su şəbəkəsinin inşası bu ilin sonuna qədər tam başa çatdırılacaq. Layihəyə əsasən Salyan şəhərində 123 km tullantı su şəbəkəsinin yaradılması nəzərdə tutulub. Ötən müddətdə şəhərin mərkəzi hissəsində 5 km kanalizasiya şəbəkəsi yaradılıb, mövcud kanalizasiya nasos stansiyası bərpa edilib və 4,7 km uzunluğunda təzyiqli kanalizasiya xətti yenisi ilə əvəz olunub. Tullantı su şəbəkəsinin yenidən qurulması işləri gələcəkdə mərhələlərlə davam etdiriləcək, Salyan şəhərində yaranan tullantı sularının təmizlənib zərərsizləşdirilməsi məqsədilə gələcəkdə məhsuldarlığı sutkada 10 min kubmetr olan tullantı sutəmizləyici qurğu tikiləcək. Salyan şəhərinin içməli su təchizatı və kanalizasiya sistemlərinin yenidən qurulması layihəsindən 2035-ci ilə perspektiv inkişaf nəzərə alınmaqla 35 min nəfər sakin faydalanacaq.

REAL
 

Digər xəbərlər
Bu gün

Bütün xəbərlər