Ali Məhkəmə 2-ci sinif şagirdinin ölümünə görə ittiham edilən baş mühəndislə bağlı qərar çıxarıb

Ali Məhkəmə 2-ci sinif şagirdinin ölümünə görə ittiham edilən baş mühəndislə bağlı qərar çıxarıb

Ali Məhkəmədə səhlənkarlıqda təqsirləndirilən Qəhrəman Muradovun barəsində olan hökmdən verilən kassasiya şikayəti üzrə məhkəmə iclası başa çatıb.

REAL-ın Report-a istinadən məlumatına görə, hakim Fərhad Kərimovun sədrliyi ilə keçirilən prosesdə qərar elan olunub.

Qərara əsasən, Q.Muradovun kassasiya şikayəti təmin edilməyib.

İttiham aktına əsasən, Q.Muradov Aran Regional Enerji Təchizatı və Satışı İdarəsinin Füzuli Elektrik şəbəkəsinin baş mühəndisi vəzifəsində işləyərkən laqeyd münasibəti nəticəsində öz xidməti vəzifəsini yerinə yetirməyib.

Belə ki, Füzuli rayonu, Bala Bəhmənli kənd sakini və Bala Bəhmənli kənd tam orta məktəbinin 2-ci sinif şagirdi İsmayılov Eltun Elvin oğlu 25 fevral 2017-ci il tarixdə, saat 19 radələrində 160 kva gücündə transformator yarımstansiyasının açıq hissəsindən yarımstansiyaya maneəsiz daxil olaraq onun içərisinə düşmüş topunu götürmək istəyərkən elektrik cərəyanı vurub. Nəticədə E.İsmayılov dünyasını dəyişib.

Daha sonra Q.Muradova qarşı Cinayət Məcəlləsinin 314.2-ci (səhlənkarlıq, eyni əməllər ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddəsi ilə ittiham irəli sürülüb və barəsində başqa yerə getməmək haqqında iltizam qətimkan tədbiri seçilib.

Füzuli Rayon Məhkəməsi Q.Muradovun 2 il 6 ay müddətinə azadlıqdan məhrum edilməsi və cəzasını məntəqə tipli cəzacəkmə müəssisəsində cəkməsi barədə hökm çıxarıb. Hökmdən narazı qalan Q.Muradov apellyasiya şikayəti verib. Şirvan Apellyasiya Məhkəməsi onun apellyasiya şikayətini təmin etməyib.

Digər xəbərlər
Bu gün

Bütün xəbərlər

Dünən

Siyasət

Mir Şahinin vaxtı

İqtisadiyyat

Sosial

Real İntervyu

İdman

Çox Oxunanlar

Mədəniyyət

Real TV Sosial Şəbəkələrdə