Azərbaycan cüdoçuları Qran-priyə uğursuz başlayıblar

Azərbaycan cüdoçuları Qran-priyə uğursuz başlayıblar

Çinin Hohhot şəhərində cüdo üzrə Qran-pri turnirinə start verilib.
 
REAL ONA-ya istinadla xəbər verir ki, yarışın ilk günü Azərbaycan millisi üçün uğursuz alınıb. 
 
Tatamiyə çıxan təmsilçilərimizdən Kəramət Hüseynov (60 kq) ilk döyüşündəcə məğlubiyyətə üzülüb. Cüdoçumuz İn Hyuk Çoi ilə bacarmayıb. Onunla eyni çəki dərəcəsində mübarizə aparmalı olan Tofiq Məmmədov isə püşkatmada tayvanlıya rəqib olsa da, həmyerlimiz döyüşə çıxmayıb və Kun-Lin Yen mərhələ adlayıb. 

66 kq çəki dərəcəsində qüvvəsini sınayan İsmayıl İbrahimov isə medalın bir addımlığında büdrəyib. İlk görüşdə Ahmed Abelrahmana (Misir) qalib gələn idmançımız 1/4 finalda Rusiya təmsilçisi Aram Qriqoryana uduzub. Məğlubiyyətə baxmayaraq, təsəlliverici görüşə qatılan İ. İbrahimov yenə də qələbə qazana bilməyib. O, bu dəfə monqolustanlı Başhuu Yondonperenliyə uduzub və turniri 7-ci yerdə bitirib. 

Yarışdakı yeganə xanım cüdoçumuz Aleksandra-Larisa Floriana (57 kq) da startda məğlub olub. Tayvanlı Yu-Çieh Yanq təmsilçimizə qalib gəlib. 

Qeyd edək ki, yarışa mayın 26-da yekun vurulacaq. Qarşıdakı günlərdə yığmamızın heyətində Hidayət Heydərov, Rüfət Məmmədov (hər ikisi 73 kq) və Zelim Kotsoyev (100 kq) mübarizəyə qoşulacaq. 

Digər xəbərlər
Bu gün

Bütün xəbərlər

Dünən

Siyasət

Mir Şahinin vaxtı

İqtisadiyyat

Sosial

Real İntervyu

İdman

Çox Oxunanlar

Mədəniyyət

Real TV Sosial Şəbəkələrdə