Azərbaycan neft hasilatını azaldıb, qaz hasilatını isə artırıb

Azərbaycan neft hasilatını azaldıb, qaz hasilatını isə artırıb

Bu ilin yanvar-iyun aylarında Azərbaycanda xam neft hasilatı azalıb, əmtəəlik qaz hasilatı isə artıb.

REAL xəbər verir ki, APA-nın Dövlət Statistika Komitəsinin göstəriciləri əsasında apardığı hesablamalarına görə, cari ilin yanvar-iyun aylarında Azərbaycanda xam neftin hasilatı 18,76 mln. ton təşkil edib ki, bu da 2018-ci ilin analoji dövrü ilə müqayisədə 3% azdır. 

Qeyd edək ki, Azərbaycanda hasil edilən neftin böyük hissəsi “Azəri-Çıraq-Günəşli” (AÇG) yataqları blokunun payına düşür. Bu ilin aprelində AÇG blokunda yerləşən "Mərkəzi Azəri" platformasında planlaşdırılmış təmir işləri səbəbindən hasilat dayandırılmışdır və bu da ölkədə neft hasilatının azalmasına öz təsirini göstərib.  

Bundan başqa, 2019-cu ilin yanvar-iyun aylarında ölkədə 12 mlrd. kubmetrə yaxın əmtəəlik qaz hasil edilib ki, bu da ötən ilin müvafiq dövrü ilə müqayisədə 35% çoxdur.

Azərbaycanda qaz hasilatının kəskin artması “Şahdəniz” yatağının ikinci mərhələsinin reallaşdırılması ilə əlaqədardır.

Digər xəbərlər
Bu gün

Bütün xəbərlər

Siyasət

Mir Şahinin vaxtı

İqtisadiyyat

Sosial

Real İntervyu

İdman

Çox Oxunanlar

Mədəniyyət

Real TV Sosial Şəbəkələrdə