Albaniyada baş vermiş zəlzələlər zamanı 100-dən çox insan xəsarət alıb

Albaniyada baş vermiş zəlzələlər zamanı 100-dən çox insan xəsarət alıb

Albaniyada iki dəfə qeydə alınan güclü zəlzələ və davam edən təkanlar 105 nəfərin xəsarət almasına səbəb olub.

REAL “Report”a istinadən xəbər verir ki, bu barədə Albaniyanın “Daily News” portalı məlumat yayıb.

Afina Universiteti Seysmoloji Laboratoriyası zəlzələnin gücünün əvvəlcə 5,6 bal gücündə olduğunu, daha sonra 6,0 səviyyəsinə yüksəldiyini bildirib. Zəlzələnin episentri Durres şəhərindən altı kilometr şimalda, onun ocağı isə 10 kilometr dərinlikdə qeydə alınıb.

Həkimlərin bildirdiyinə görə, tibbi yardım üçün ümumilikdə 105 nəfər müraciət edib. Onların böyük əksəriyyəti evə buraxılıb.

Qeyd olunub ki, zəlzələ nəticəsində Tiranadakı binalar ziyan görüb. Belə ki, kərpic və divarların hissələri avtomobillərin üstünə düşüb. Sahilyanı şəhər olan Durresdə də evlərə ciddi ziyan dəyib.

Digər xəbərlər
Dünən

Bütün xəbərlər

Siyasət

Mir Şahinin vaxtı

İqtisadiyyat

Sosial

Real İntervyu

İdman

Çox Oxunanlar

Mədəniyyət

Real TV Sosial Şəbəkələrdə