TAP-ın 90,7%-i icra olunub

TAP-ın 90,7%-i icra olunub

Noyabrın sonuna Azərbaycan təbii qazını Avropaya daşıyacaq Trans-Adriatik Boru Xətti (TAP) layihəsi üzrə işlərin - mühəndislik, satınalma və tikinti işləri də daxil olmaqla 90,7 faizi icra edilib.

"Report" xəbər verir ki, bu barədə boru kəmərinin operatoru olan "TAP AG" şirkətinin məlumatında qeyd olunub. 

"TAP layihəsində boru kəmərinin inşası mərhələsi yekunlaşmaq üzrədir. Qrafikə uyğun olaraq hər gün yüz metrlərlə boru xəndəklərə düzülür, qaynaqlanır, torpaq yenidən bərpa olunur", - məlumatda bildirilir.

Xatırladaq ki, Cənub Qaz Dəhlizinin bir hissəsi olan Trans Adriatik Boru Kəməri ilə ilkin mərhələdə ilə hər il "Şahdəniz-2" layihəsi çərçivəsində hasil olunan 10 milyard kubmetr qazın Avropaya nəql olunacağı nəzərdə tutulur. Yunanıstanla Türkiyə sərhədindəki Kipoy kəndi yaxınlığında Trans Anadolu boru kəmərinə (TANAP) qoşulacaq TAP Yunanıstan, Albaniya ərazisindən keçərək Adriatik dənizinin dibi ilə İtaliyanın cənubunadək uzanacaq.

2013-cü il iyunun 28-də "Şahdəniz" konsorsiumu tərəfindən rəsmi olaraq seçildiyi açıqlanan TAP kəmərinin uzunluğu 878 kilometrdir. Bunun 550 kilometri Yunanıstan, 215 kilometri Albaniya ərazisinin, 105 kilometri Adriatik dənizi dibinin, 8 kilometri İtaliya ərazisinin payına düşür. Marşrutun Albaniya ərazisində yerləşən ən hündür nöqtəsi 1800 metr yüksəklikdə, dəniz dibindəki ən alçaq nöqtəsi 820 metr dəniz səviyyəsindən aşağıdır.

Təməlatma mərasimi 17 may 2016-cı il tarixində Yunanıstanın Saloniki şəhərində keçirilən TAP vasitəsilə Avropaya Azərbaycandan ilk qazın 2020-ci ilin əvvəllərində nəql ediləcəyi gözlənilir.

TAP vasitəsilə Bolqarıstanın qaz ehtiyaclarının 33 faizi, Yunanıstanın 20 faizi, İtaliyanın 10,5 faizinə qədəri ödəniləcək.

REAL

Digər xəbərlər
Bu gün
Dünən