“Azərenerji” strateji əhəmiyyətli müəssisələrində qabaqlayıcı tədbirlər görür

“Azərenerji” strateji əhəmiyyətli müəssisələrində qabaqlayıcı tədbirlər görür

İyirmi dörd saat növbəli iş prinsipi ilə fəaliyyət göstərən və bir saniyə də olsun elektrik enerjisinin istehsalını, o cümlədən ötürülməsini dayandırmayan “Azərenerji” ASC tabeliyindəki müəssisələrdə koronavirus infeksiyasının yayılmasının qarşısının alınması ilə bağlı təxirəsalınmaz tədbirlər həyata keçirir.

ASC-nin ictimaiyyətlə əlaqələr və media mərkəzindən bildiriblər ki, elektrik enerji sistemi həyat təminatlı mühüm əhəmiyyətli obyektlər kateqoriyasına aid olduğundan və bu spesifik sahə sayıldığından mütəxəssislərin, mühəndislərin, sistem operatorları və digər işçilərin səhhətinin qorunması çox vacibdir. Bu məqsədlə səhmdar cəmiyyətin bütün elektrik stansiyaları, yarımstansiyaları, regional elektrik şəbəkələrində və digər obyektlərində koronavirusun yarada biləcəyi təhlükənin qarşısını almaq üçün bütün zəruri tədbirlər həyata keçirilir.

Bundan əlavə, koronavirusla bağlı təbliğat-təşviqat və məlumatlandırma işlərinin gücləndirilməsi məqsədi ilə Ümumdünya Səhiyyə Təşkilatının və Azərbaycan Respublikası Nazirlər Kabineti yanında Operativ Qərargahın tövsiyələri əsasında ciddi maarifləndirmə işi aparılır.

REAL

Digər xəbərlər
Bu gün

Bütün xəbərlər