Hacıqurbanoba kəndinin məktəb problemi - VİDEO

Hacıqurbanoba kəndinin məktəb problemi - VİDEO
Təhsil şöbəsindən kənddə yeni məktəb binasının tikiləcəyi bildirildi

Söhbət şəhid Elşad Qayımov adına Xaçmaz rayonunun Hacıqurbanoba kənd ibtidai mətəbindən gedir. Kənd sakinlərinin sözlərinə görə, ötən əsrin 60-cı illərində tikilən məktəb binası indiyədək heç vaxt əsaslı təmir olunmayıb. İstismar dövrünü başa vuran binanın tavanı xüsusilə təhlükə saçır.

Məktəb binasının qəzalı olması səbəbindən bir çox valideyn məcbur qalaraq övladlarını başqa təhsil müəssisəsinə göndərir. Bu səbəbdən də hazırda Hacıqurbanoba kənd ibtidai mətəbində cəmi 21 şagird təhsil alır. Halbuki kənddə yüzə yaxın məktəbli var.

Binanın məktəb olduğunu bildirən lövhənin belə rast gəlinmədiyi qəzalı təhsil ocağının nə zaman əsaslı təmir olunacağını tədris müəssisənin direktorundan soruşmaq istədik. Lakin məktəbin direktoru Cəmilə Bəşirova açıqlama vermək əvəzinə üzümüzə qapıları bağlamağa üstünlük verdi.

Direktor Cəmilə Bəşirovadan fərqli olaraq Xaçmaz rayon Təhsil şöbəsindən məsələyə aydınlıq gətirildi. 

İmran Müseyibov bildirdi ki, yeni məktəb binasının tikintisinə qədər təhsil ocağının dam örtüyü yenilənəcək. Nə deyirik əsas odur sakinlərə verilən vədlər quru söz olaraq qalmasın, əməldə də təsdiqini tapmış olsun.

REAL

Digər xəbərlər
Bu gün

Bütün xəbərlər