Ən çox izlənən videolar

Qatarların hərəkət cədvəli dəyişdi - VİDEO

Abşeron dairəvi dəmir yolu marşrutu üzrə hərəkət edən qatarların hərəkət cədvəlində dəyişiklik edilib.

REAL xəbər verir ki, bu barədə "Azərbaycan Dəmir Yolları" QSC xəbər verir.

Məlumata görə, dəyişiklik Nazirlər Kabineti yanında Operativ Qərargahın ölkə ərazisində koronavirus infeksiyasının geniş yayılmasının qarşısının alınmasına dair əlavə tədbirlər haqqında qərarına uyğun olaraq edilib.

Bu məqsədlə, Abşeron dairəvi dəmir yolu xəttində hərəkət edən qatarların sayı azaldılıb.

Qatarlar karantin günlərində fəaliyyətini davam etdirmək zərurəti yaranan müəssisələrin əməkdaşlarının işə gediş-gəlişinin təmin edilməsinə xidmət göstərəcək. Yeni qrafik aprelin 1-dən karantin müddəti bitənədək qüvvədə olacaq.

Qatarların hərəkət qrafiki ilə ətraflı "Azərbaycan Dəmir Yolları" QSC -nin rəsmi internet səhifəsində - www.ady.az saytında tanış ola bilərsiniz.

Bu kateqoriyadan digər videolar
Digər videolar